CAGAYAN DE ORO CITY- Gipamugos sa Police Regional Office o PRO-10 nga aksidente nga napusilan sa usa ka pulis ang iyang kaugalingon samtang naglimpyo sa iyang armas sulod sa Camp Alagar, Brgy Lapasan ning syudad.
Giila ni PRO-10 spokesperson Lt. Col Mardi Hortillosa ang mipanaw’ng biktima nga si Pilice Senior Master Msgt Joel Lampadia, minyo, residente sa Torel Davao City ug naka-detail sa Deputy Regional Director for Administration Office isip usa ka security escort.
Miingon si Hortillosa nga naligo na sa iyang kaugalingong dugo ang biktima dihang nakita sa iyang kauban sulod sa usa ka quarter.
Gidala pa sa ospital ang biktima apan wala na matabang sa mga doktor ang iyang kinabuhi.
