CAGAYAN DE ORO CITY – Giyukbuan sa Commission on Elections o Comelec 10 ang gipakitang kaisog ug dedikasyon sa trabaho sa 400 ka pulis gikan sa nagkadaiyang unit sa Police Regional Office 10 aron idugang sa puwersa sa Bangsamoro Autonomous Region in Muslim Mindanao.
Miingon si Atty. Maria Dulce Cuevas Banzon,asst regional director sa Comelec 10 nga gilauman nila nga molampos sa misyon ang mga puis gikan sa Kampo Alagar isip pagpatunhay sa kahusay’g kalinaw sa maong rehiyon.
Siya miingon nga susama sa ubang deputy govt agencies, dako ang ilang pagpasalamat sa PNP nga kabahin sa aktibong midawat sa hagit alang sa midterm elections sa Mayo 12 ning tuiga.
Hisayrang mismo ang taga-Comelec 10 ang nagbansay sa maong mga pulis aron gamiton sa panahon sa emerhensiya nga paglusad sa piliay sa BARMM.
