CAGAYAN DE ORO CITY – Mipalig-on pa sa unang kamanduan sa Police Regional Office 10 ang memo circular sa DILG-Manila nga kusganong nagdili sa mga pulis molambigit sa nagkadaiyang online sugal.
Miingon si PRO 10 spokesperson Major Joann Navarro nga hinoon wala pa’y bisan unsa ka pulis nga namatud-an nga nakahimo sa maong kasupakan sa balaod.
Siya miingon nga angayang magmatngon sa kanunay ang mga pulis kay dakong insulto ug makauulaw kaayoo nga sila ang tipik sa gitahasan pagsumpo sa online-sugal apan kabahin sa mohatag sa dugang problema katilingban.
Dumduman nga giangkon usab sa Kampo Alagar nga aduna sila’y usa ka pulis nga nanulis sa Bukidnon ug gipaubos sa imbestigasyon nga tungod kini sa naghinobrang pagka-adik sa online-sugal.
