CAGAYAN DE ORO CITY – Dili makalikay sa kahugot sa overlapping checkpoint ang posibleng mga dautang grupo nga laraw mosulod sa Northern Mindanao particular sa syudad aron mohimo’g pagpanghasi sa pagsulod sa election period ngadto sa mismong adlaw sa piliay.
Kini tungod kay gihataga’g pagtugot sa Comelec 10 ang kapolisan nga makahimo gihapon niini bisan nga adunay designated checkpoint area nga ipahimutang sugod sa adlaw’ng Domingo.
Miingon si PRO 10 spokesperson Major Joann Navarro nga nag-unang tuyo niini ang direktang pag-alkontra sa mga mosulod nga grupo nga adunay dala nga mga kontrabando.
Siya miingon nga dili nila tugtan makalusot sa gimuntar nga checkpoint sa Comelec-PNP-AFP sa usa ka lugar ang mga kontrabando sama sa mga armas nga dakong peligro sa seguridad sa katawhan.
