CAGAYAN DE ORO CITY – Ikatag sa Police Regional Office 10 pinaagi sa ilang provincial ug city police offices ang maximum personnel deployment sa Northern Mindanao alayon sa ‘balik-eskuwela’ sa Department of Education alang sa tuig 2025- 2026.
Gibutyag ni PRO 10 Director Brig Gen Jaysen De Guzman nga tuyo niini nga masiguro ang kahusay’g kalinaw ingon man mabantayan katibuk-ang seguridad sa publiko ilabina sa mga estudyante,mga ginikanan ug mismong mga magtutudlo sa mga tunghaan sa rehiyon.
Siya miingon nga may tahas na ang lower units kung unsaon nial ang paghatag sa seguridad ngadto sa mga lokasyon diin dagsa ang katawhan sama sa eskuwelahan,transport terminals,tugpahanan,pantalan,malls,business centers ug ubang convergence areas.
Dugang sa heneral nga anaa sa mil-088 ka pulis ang ikatag aron lingkuran ang assistance desks,mohimo’g foot ug mobile patrols ingon man pag-assister sa traffic management sa palibot.
Saysay ni De Guzman nga kini nga mga lakang pagpakita sa dakong kaikag nga mamintinar ang kahusay’g kalinaw sa rehiyon samtang anaa ang kadaghan sa gimbuhaton sa katawhan ning bahina sa tuig.
