CAGAYAN DE ORO CITY – Sugdan na ang pagpatuman sa security personnel deployment sa Police Regional Office 10 sa Abril 4 palibot sa rehiyon.
Kini may kalabutan sa paghatag seguridad sa mga kalihukan sa simbahan ug pagdagsa sa mga deboto ingon man mga turista sa pilgrimage sites sa pagbalaan sa semana santa.
Miingon si PRO 10 spokesperson Police Maj. Joann Navarro nga gitahasan na sa Camp Alagar ang tanang lower unit commanders nga mohimo’g koordinasyon sa taga-simbaban ug ubang mga sektor aron pasiguro nga dili mabalda ang mga kalihukan nga pinahaom sa kuwaresma.
Siya miingon nga molungtad ang taas nga alerto ug hugot nga pagbantay sa seguridad sa mismong adlaw sa Domingo sa pagkabanhaw.
