CAGAYAN DE ORO CITY – Gisugdan na’g pa-aktibo sa Police Regional Office 10 Task Force on SONA 2025 nga mangunay paghatag sa hugot nga seguridad sa Northern Mindanao sa sunod semana.
Kini alayon sa gitakdang pagyagyag ni Pres Bongbong Marcos sa iyang ikaupat nga State of the Nation Adress o SONA sa Batasang Pambansa sa Quezon City pagka-Lunes sa hapon.
Namahayag si Police Major Joann Navarro,tigpamaba sa PRO 10 nga mangulo sa maong task force ang ilang deputy director for operations nga si Col. Aaron Mandia kinuyugan sa city ug provincial police directors.
Siya miingon nga nag-unang tumong niini nga makab-ot ang ‘zero crime related incidents’ sa mismong adlaw sa pagtaho ni Marcos sa katawhan sa nasud.
Gilauman usab nga itaas ang alerto sa PRO 10 alayon sa gimbuhaton ni Marcos.
