Walay gihatag nga oras o “tagal” ang bag-ong Officer-In-Charge sa Philippine National Police (PNP) kung hisgutan ang pagresponde sa tawag sa katawhan ug kirminalidad sa managlahing bahin sa Pilipinas.
Sa press conference nga gilusad sa Kampo Krame, gitin-aw ni General Jose Melencio Nartatez nga dugay ra gipatuman sa kapulisan ang “pro-active” nga responde sa mga krimen bisan pag 5-minute o 3-minute ang response time.
Maoy iyang tutukan ang pagbalanse sa “Pro-active” ug “Reactive Operation” ilabe na sa lower units sa PNP aron masiguro nga anaa ang kapulisan panahon sa emerhensiya, ug ipadayon ang imbestigasyon sa mga kaso nga ilang isang-at batok sa mga criminal hangtud sa makab-ot ang kombiksyon.
Hinoon, misaad si Nartatez nga ipadayon niya ang nabiyaang programa ni relived general Nicholas Torre III, dunagn ang pagtutok sa pro-aktibong pag-imbestigar ug pag-monitor sa integridad sa kapulisan aron makuha ang pagsalig sa komunidad.
