CAGAYAN DE ORO CITY, Philippines – Mupahigayon sa “mass protest” ang koalisyon sa mga midapig ni kanhi Presidente Rodrigo Duterte, ning adlawa, sa dili pa ang ikatulong State of the Nation Address (SONA) ni Presidente Ferdinand Marcos Jr. karong Lunes, Hulyo 22.
Gibutyag ni Maj. Gen. Jose Melencio Nartatez Jr., hepe sa National Capital Region Police Office nga nag-apply alang sa permiso nga mulusad sa rally ang grupong “Hakbang ng Maisug” sa Liwasang Bonifacio.
Hinoon, gitin-aw ni Gen. Nartatez nga ang Liwasang Bonifacio usa ka freedom park kung asa mahimong mulusad sa rally ang bisan kinsang grupo nga walay pangayuong permit gikan sa gobyerno.
Sumala sa NCRPO chief, gibana-bana nga muabot sa 50,000 ka indibidwal ang mutambong sa Maisug Rally.
