CAGAYAN DE ORO CITY – Gipalanog sa laing higayon sa pro-Duterte supporters ang ilang kagustuhan nga makauli na sa dili madugay si kanhi Pres Rodrigo Duterte nga gitugyan sa Marcos administration ngadto sa kustodiya sa International Criminal Court o ICC sa The Hague,Netherlands.
Kini human milusad sa prayer vigil ang solid political supporters ni Duterte pinanguluhan ni 2nd District City Councilor Girlie Balaba sa Kiosko,Divisoria ning syudad kagabii.
Miingon si Balaba nga dili sila mohunong sa mga paglitok sa pag-ampo hangtod nga dili makauli ang kanhi pangulo nga daw gibudhian sa mismong mga opisyal sa kagamhanan aron madistansya sa katawhang-Pilipinhon nga dugay niya gisilbihan.
Gihimo ang subling panagtigom,ensakto ang ika-100 ka adlaw sukad nga gidakop kini sa kapolisan sulod sa NAIA terminal 3 subay sa sugo sa Malakanyang.
Una usab niini,namugos si Pres Bongbong Marcos nga gisunod lang nila ang hangyo sa International Police nga makuha ang kanhi pangulo kay adunay kaso nga crimes against humanity nga nasang-at sa ICC.
Hisayrang sa pagdakop kang Duterte,walay kopya sa warrant nga napakita apan gipadala gihapon kini sa ICC sa mismong adlaw nga siya gidakop sa mga personahe sa PNP.
