CAGAYAN DE ORO CITY – Giimbitar ni Philippine Coast Guard Commodore Jay Tristan Tarriela ang mga professional,non-professionals ug bisan ang mga yanong katawhan nga duyugan ang Takbo Para sa West Philippine Sea nga himoon dinhi sa syudad sa Setyembre 8 sa kadlawon.
Kini aron ipakita ngadto sa natl govt nga duyog usab ang taga-Northern Mindanao kabahin sa legal claim sa Pilipinas sa West Philippine Sea nga ilegal giangkon sa China.
Namahayag si Tarriela nga paagi usab kini aron kontrahon ang paspas nga pagkaylap sa fake news ug narratives sa China kabahin sa gihimo sa Pilipinas nga pag-proteksyon sa kaugalingong teritoryo.
Una nang midangop si Tarriela ug gilayong giabagan usab sa magsoong City Vice Mayor Jocelyn ‘Bebot’ ug Cagayan de Oro 2nd District Rep.Rufus Rodriguez ang hangyo sa PCG nga mapahigyon ang WPS fun run ning syudad.
