Wala makurat si UP Department of Journalism professor ug convenor sa Contra Daya nga si Prof. Danilo Arao kung muresulta sa pagpadayon sa trial ang nahitabong confirmation hearing sa kaso ni kanhing Pangulong Rodrigo Duterte may kalabutan sa giatubang niyang alegasyon nga crimes against humanity.
Segun ni Prof Arao nga base sa iyang pagtan-aw, adunay lig-on nga mga ebidensiyang napresentar ang prosecution nga mahimong magpamatuod sa mga akusasyon batok sa kanhing lider.
Gisaway usab ni Arao ang pahayag sa depensa nga nag-ingong bias ang mainstream media sa pagreport sa mga panghitabo.
Para kaniya, usa kini ka taktika sa kampo ni Duterte aron discrediton ang mga impormasyon nga nakalap ug gipagawas sa media may kalabutan sa extrajudicial killings sa miaging administrasyon.
Dugang pa ni Arao, wala siyay nakita nga basehan aron tawgon nga bias ang media, ilabi na kay dili lamang lokal kundili apil usab ang international media nga nagreport sa mga alegasyon ug sa mga isyung may kalabutan sa batakang katungod sa tawo.
