Andam na ang mga progresibong grupo nga mosugat og dako ug saba nga mga kilos-protesta sa gikatakang pag-abot sa Pilipinas ni US President Donald Trump alang sa ASEAN Summit ug sa pagpirma sa Pax Silica agreement.
Gibutyag ni Arnold Padilla, Secretary General sa International League of People’s Struggle (ILPS) Philippines sa iyang pakighinabi sa Bombo Radyo, nga magsugod na sa sunod semana ang ilang adlaw-adlaw nga lihok-protesta, kampuhan, ug Lakbayan gikan sa Southern ug Central Luzon padulong sa Metro Manila.
Gidugang pa ni Padilla nga walay labot sa Pilipinas, magpahigayon usab og koordinadong protesta ug solidarity actions ang ilang mga international chapters sa dili ubos sa 14 ka mga nasud sa tibuok kalibutan batok kay Trump ug sa maong kasabutan
