Hugot ang gipatuman nga monitoring sa Bureau of Fire Northern Mindanao sa Statement of Assest, Liabilities and Networth o SALN sa ilang mga empleyado human mikuyanap ang report nga adunay hukos pukos sa pagdawat sa pagka Fire Officer-1 sulod sa ilang ahensya.
Sa exclusive interview sa BOMBO RADYO kang Christopher Regencia, Fire Superintendent sa BFP-Region 10, siya mi-ingon nga posibleng na trigger ang striktong lifestyle checking sa mga bombero tungod sa isyu sa Promotion for Sale sa ilang bag-ong recruit aron paspas musaka ang ranggo.
Miingon si Regencia nga gimanduan sila sa ilang command center ug sa DILG nga matag tuig magsubmitar na sa Statement of Assests, Liabilities and Networth (SALN) aron masuta kung aduna bay kalit nga pagtubo sa ilang propriedad sulod sa usa ka tuig.
Mipasidaan usab kanila ang DILG batok sa pagdawat sa bribe o suhol aron makapasulod sa mga aplikante sa pagkabombero.
Gawas niini, ang duha ka managsunod nga walay pagsubmitar sa SALN mahimong makasuspenso sa usa ka empleyado ug ipa-ubos sa imbestigasyon.
Gitin-aw ni Regencia nga dili mahimong makapamakak ang ilang empleyado sa ilang SALN kay monitoron man kini sa BFP SALN Review and Compliance Committee.
Kung adunay kuwestiyonabli nga assets mahimong pasak-an sa kaso ang usa ka bombero sa Office of the Ombudsman.
