Aduna pro’s and con’s sa sayo nga pagdeklarar ni Bise Presidente Sara Duterte sa iyang 2028 presidential bid.
Alang kang Atty Spencer Palen, Law Professor sa Liceo de Cagayan University (LDCU) ang kaayuhan niini mao nga makuha niya ang pulso sa masa kung daghan ba ang nalipay sa iyang deklarasyon.
Apan sa luyong bahin, ang sayo nga deklarasyon, mapaka-dani usab sa daghang political detractors nga mahimong maghiusa aron bungkagon ang iyang sayo nga gi-establishar nga puwersa.
Gitin-aw ni Palen nga sa legal nga aspeto, walaY nalapas nga balaod si VP Sara sa iyang early presidential declaration.
