Gikwestyon ni kanhi PHIVIDEC Administrator Jose Gabriel Pompee La Viña ang katarungan sa prosecution team sa pag-withdraw sa ilang mga mosunod nga saksi sa impeachment trial batok kang Vice President Sara Duterte.
Matod ni La Viña, usa lamang kini ka palusot tungod kay wala silay lig-on nga ebidensya ilabi na nga ang ilang mga naunang witness mismo ang miadmitir nga walay gunman o tinuod nga hulga nga nahitabo.
Dugang pa niini, tataw nga nag-panic ang maong grupo kay napakyas sila sa pagpresenta og konkretong basehan sa ilang mga pasangil atol sa cross-examination.
Tungod niini, gihulagway ni La Viña ang maong lakang isip usa ka pag-angkon nga dili igo ang ilang mga pruweba alang sa mga kaso nga grave threats ug sedition nga gipasaka batok sa bise presidente.
