Kung legal nga puntos ang hisgutan, tataw nga milabaw ang prosekusyon batok sa depensa, apan gamay lamang ang ligas. Kini mao ang reaksiyon ni Atty. James Judith, practising lawyer sa syudad, sa interbyu sa Bombo Radyo.
Gitin‑aw ni Judith nga bisan maayo ang paghan‑ay sa kontra‑argumento sa depensa, pildihon sila sa klase sa kaso nga gisang‑at sa prosekusyon.
Alang kang Judith, bisan walay “smoking gun” nga ebidensya nga mutudlo kang kanhi Presidente Rodrigo Duterte nga siya mismo ang misugo sa pagpapatay sa mga biktima, apan kung kaso sa crimes against humanity ang hisgutan, dili kinahanglan nga siya mao ang “direct perpetrator.”
Bisan in‑direct ang iyang mando o pinaagi sa polisiya nga iyang gi‑patuman, mahimo kining dawaton nga basehanan sa kaso. Iyang gi‑dugang nga sa Rome Statute, ang usa ka lider mahimong manubag pinaagi sa command responsibility ug indirect perpetration, diin ang iyang kapakyasan sa pagpugong o pagpangusog sa mga krimen mahimong ikonsiderar nga iyang responsibilidad.
Sa tan‑aw sa abogado, kini nga legal nga prinsipyo mao ang hinungdan nga lig‑on ang kaso sa prosekusyon ug taas ang posibilidad nga makasuhan si Duterte sa ICC.
