Giklaro ni Prosecution Panel Spokesperson ug kanhi Representative Robert Ace Barbers nga wala gi-usab sa mga senador ang 2/3 nga lagda sa Konstitusyon sa ilang pagbasura sa 16-vote threshold sa impeachment trial ni Bise Presidente Sara Duterte niadtong nakalabay nga Miyerkules.
Gipasabot ni Barbers sa iyang eksklusibong pakighinabi sa Bombo Radyo nga nagpabilin gihapon ang 2/3 nga probisyon sa balaod, apan gibase na kini sa 20 ka nagpartisipar nga senador imbes sa tibuok 24 ka miyembro sa Senado.
Hisayrang nahitabo ang maong pagbag-o human gipagawas sa ihap ang 4 ka senador nga adunay kaso ug ang uban nga wala makatambong sa impeachment court.
Tungod niini nga desisyon, 14 na lang ka boto ang gikinahanglan aron ma-kombikto ang Bise Presidente gikan sa unang gipahamtang nga 16 ka boto.
Sa pikas bahin, nagkinahanglan na lang usab og 7 ka boto ang kampo sa respondent aron hingpit nga ma-absuwelto ang Bise Presidente
