Gi-apelar ni Atty Manuelito Luna,kanhi Presidential Anti-Corruption Commission Commissioner nga dako’g tsansa nga uyunan sa korte suprema ang iyang gisumiter nga position paper ug petition sa Temporary Restraining Order (TRO) aron mapugngan ang padayon nga hearing sa iduso nga kasong impeachment batok kang Vice President Sara Duterte sa plenaryo sa Kamarabaha de Representantes.
Usa sa bug-at nga argumento ni Atty Luna ang paglapas sa komitiba ni Atty Gerville Luistro sa 60 working days dihang gipatuman ang ilang hearing sa pagpangita sa unod, porma, substansya ug probable cause nga panahon sa session break o recess.
Nagtoo si Luna nga nakalapas kini sa ilang lagda isip mga magbabalaod ug gipakita ang pag-abuso sa ilang gahum pinaagi sa pagmugna sa resolusyon nga mubabag sa probinsyon nga nakalatid sa konstitusyon kalabot sa paghawid sa mga imbestigasyon ug committee hearings.
Gihulagway niya kini isip “judicial overreach” nga nagpasabot nga ang komitiba misulod sa gahum nga wala silay katungod, ug kini makapahuyang sa checks and balances nga gisang-at sa konstitusyon.
