Bisan pa man nga tataw nga katungod sa katawhan nga magpadayag sa ilang mga opinyon ug kasuko, gipahinumduman ni kanhi IBP Misor-CDO Chapter President Atty. Eddie Cuaresma ang mga nag-rally sa EDSA nga dapat dili kini mosangpot sa mga kagubot nga makaapekto sa publiko, labi na sa trapiko ug adlaw-adlaw nga kalihokan sa mga tawo.
Gipatin-aw sa abogado nga gawasnon ang bisan kinsa sa pag-organisa og rally isip bahin sa kagawasan sa pagpadayag, apan kinahanglan kini kanunay nga anaa sulod sa mga utlanan sa balaod ug adunay pagtugot gikan sa mga awtoridad aron dili malapas ang katungod sa uban.
Samtang girespeto sa abogado ang suporta sa Iglesia ni Cristo ngadto kang Senator Dante Marcoleta, siya miingon nga ang problema sa posibleng pag-aresto sa senador nagagikan mismo sa mga kwestyonableng donasyon ug wala pagdeklarar niini sa iyang SALN
