Gikabalak-an sa anti-war advocate nga si Ben Tiu Contreras ang hilabihan kadako nga giokuparang luna nga moabot sa 6,000 ka ektarya nga gipangayo sa mga Amerikano alang sa proyekto nga Pax Silica.
Gipadayag sa anti-war advocate nga ang maong gidak-on sa yuta kay posibleng moresulta sa pagkawala sa soberanya sa nasud ug magdalag bug-at nga epekto sa supply sa tubig ug kuryente.
Sumala pa kaniya, nasayran pinaagi sa iyang gihimong panukiduki nga bisan gani ang mga lumulupyo sa North Carolina sa Estados Unidos kay nibabag man sa maong susamang proyekto.
Tungod niini, nagdumili sa pagdawat ang maong advocate kon ngano nga gipursige pa gihapon kini sa gobyerno nga ihatag sa mga langyaw samtang ang ordinaryong mga lungsuranon mismo kay wala pa mahatagi og saktong serbisyo sa kuryente ug tubig
