CAGAYAN DE ORO CITY, Philippines – Gipangandamam na sa Philippine Sports Commission ang 2028 Los Angeles, USA Olympics.
Miingon si PSC Chairman Richard Bachmann nga nakahan-ay na ang ilang preparasyon aron musaka pa ang ihap sa mga atleta sa Pilipinas nga ipadala sa Olympics.
Pukos sa komisyon ang grassroots level ug pagpili sa pinakamaayo nga mga atleta nga mahimong ipaubos sa pagbansay-bansay aron seguro nga makakuhag medalya.
Lakip sa ilang gisugdang aktibidad mao ang pagpalig-on sa ilang mga pasilidad ug paghatag sa dugang materiales nga kinahanglan sa mga atleta alang sa ilang sobsob nga trainings.
Ning tuiga, masaligon ang PSC nga luagan ang ilang 2025 national budget aron matutukan ug maayo ang mga potensyal nga atleta nga makasakmit sa medalya sa labing dakung torneyo, sa tibook kalibutan, matag upat ka tuig.
