CAGAYAN DE ORO CITY – Dili na angay tuuhan sa katawhan ang mga pasiatab sa mga politiko nga dunay mga ambisyon sa tuig 2025 nga piliay sa nasud.
Kini ang reaksyon ni Citizens Watch for Good Governance o CWGG 10 convenor Atty Antonio Soriano nunot sa hagit sa mga magbabalaod nga angay mopaubos si VP Sara Duterte sa psychiatric test ug drug test aron masukod ang iyang kahimtang sa pangutok.
Miingon si Soriano nga pulos eksena lang kini sa mga magbabalaod aron hisgutan sa publiko nga magamit nila sa ilang mga ambisyon sa 2025 elections.
Dumduman nga gidawat ni VP Sara ang hagit apan angay usab daw nga dungan sila magpaubos sa drugtest.
Apan sulti sa mga nag-imbestigar batok kaniya nga paglipat lang kini sa tinud-anay nga isyu nga gilikayan niya tubagon.
