Gisiguro sa Cagayan de Oro City Police Office ang paghatag og tul-id nga psychological support ug tabang sa kaayohan alang sa duha ka female intern nga nag-atubang sa giingong seksuwal nga pang-abuso gikan sa usa ka commission officer ug usa ka non-commission officer.
Sumala pa ni COCPO Spokesperson PMAJ Emilita Simon, victim-centered ang maong gihimo nga imbestigasyon diin nagporma na sila og full team sa mga imbestigador aron tutokan ug hatagan og pagtagad ang mga biktima kauban ang ilang mga saksi ug complainant.
Taliwala nga wala pa’y pormal nga criminal complaint nga nahain sa pagkakaron, gilihok na sa buhatan ang bahin sa administratibo aron mapaspasan ang mga imbestigasyon ug rekomendasyon sa maong kaso.
Dugang pa sa opisyal, gihangyo usab niini ang publiko sa paghatag og dakong pasensya ug respeto sa mga biktima nga nakasinati og grabeng ka-pressure aron matugotan ang kapulisang mapanalipdan ang ilang kaayohan samtang nagpadayon ang proseso.
