Gipahayag ni Cobbie Jan Canda gikan sa Kabataan Partylist nga dili angay tan-awon sa black and white o yano lang nga lente ang nahitabong shooting incident sa Tacloban diin mga tinun-an ang suspetsado.
Hinuon, gipasabot ni Canda nga gikinahanglan gayud nga hatagan og psychosocial interventions ang mga Children in Conflict with the Law o CICL sa sulod sa Juvenile Justice System.
Subay sa iyang pamahayag, dili makatarunganon nga tan-awon lang ang pagka-guilty sa bata nga nakahimo og krimen tungod kay kinahanglan pa nga susihon kung giunsa pag-abot sa bata ang maong sitwasyon.
Busa, gipahinumdoman niya ang publiko nga nag-develop pa ang mga kabataan ug dili kini mahimong basehanan sa paghusga kanila sa ingon nga paagi.
Sa katapusan, giingon ni Canda nga adunay mga kakulangan o cracks sa kasamtangang balaod nga angay pa gyud nga ayuhon aron mas mahatagan og tukmang pagtagad ang mga bata.
