Gi-oktaba sa Cagayan de Oro Water District (COWD) ang gitakdang public hearing tali sa Local Water Utilities Administration (LWUA) ug sa mga water consumer, ning syudad.
Gibutyag ni COWD Board of Director Gerry Caño nga ang hearing mahitungod sa ilang petisyon nga usbawan ang singil sa balayrunon sa tubig. Gitin-aw ni Caño nga ang pagpostpone nag-ugat sa kakulang sa ilang gi-presentar nga mga dokumento, isip rekisitos sa ilang gihangyo nga public hearing.
Gibutyag sa opisyal nga wala tuguti sa LWUA ang ilang konsultasyon sa katawhan nga ipahigayon unta ning adlawa, busa ma-imbalidar usab ang ilang pakighinabi sa katawhan kung ipugos nila ang pagdungog.
