CAGAYAN DE ORO CITY – Nanghinaut ang kadagkuan sa Police Regional Office 10 nga dili isipong negatibo sa katawhan ang laraw nga pagdili sa Public Display of Affection o PDA sa mga magtiayon o manag-uyab dinhi sa rehiyon.
Gibutyag ni PRO-10 spokesperson Capt. Francisco Sabud Jr nga tumong lamang niini nga malikayan ang paspas nga takod ilabina nga padayong nagsaka ang kaso sa COVID-19 sa nasud.
Hinoon dili nila dakpon apan badlungon lamang ang mga makasupak niini.
Samtang andam ang mag-uyab nga sila sila aylas Mike ug Joy nga motuman sa pagdili sa public display of affection sa oras ipatuman kini sa kapulisan sa syudad.
Gibutyag ni Mike nga makaayo usab kini sa katawhan aron malayo nga magtinakdanay sa virus nga mikaylap na sa tibuok kalibutan.
Gani,nakita ang duruha nga nakadistansya sa matag usa samtang nag date sa Gaston Park kagabii.
Samtang supak usab ang pipila nga did-an ang PDA sa mga magtiayon o mag-uyab.
Gibutyag ni Kenneth Cabilogan nga bisan nga ulitawo siya, dili siya uyon nga pungan ang magka-relasyon nga mopakita sa ilang pagbati sa diha sa pampublikong lugar.
