Naghinaot ang mga public transport cooperative sa syudad nga maimplementar na gayud ang Local Public Transport Route Plan o LPTRP, nga tulo na ka tuig sukad giaprobahan apan wala pa matuman.Butyag ni Luzminda Escobidal sa Northern Mindanao Federation of Transport Service Cooperative o NOMFEDTRASCO, daghan na kaayong mga dalan ang naabrihan karon, inubanan pa sa padayong pagtubo sa populasyon sa dakbayan sa Cagayan de Oro.Sumala ni Escobidal, mas angay na karon nga ipatuman ang bag-ong route plan tungod kay nakaangay kini sa pinakabag-ong kahimtangan ug kaayohan sa mga kadalanan sa syudad.Dumduman nga planong iimplementar ang maong mga routa niadtong Hunyo 3, 2025, apan napugngan kini human nagkaguliyang ang pipila ka mga PUV drivers tungod sa kakulang sa pagsabot sa bag-ong mga ruta, nga niresulta pa sa mga rally sa mga driver sa tradisyonal nga jeepney. (James Oliver)
