CAGAYAN DE ORO CITY – Daw milampos ang mga kontra ni Vice Pres Sara Duterte nga gub-on ang iyang pagkatawo pinaagi sa sunod-sunod nga imbestigasyon sa senado ug kamarabaha.
Kini human nahiagom sa pag-ubos ang iyang public trust rating subay sa Pulse Asia Survey sa miaging Nobyembre 26 hangtod Disyembre 3 ning tuiga.
Miingon si Pulse Asia Pres. Richard Holmes nga gikan sa 61 percent nga trust rating ni VP Sara, nahimo na lang kining 49 porsiento.
Kini epekto sa daghang isyu nga giatubang sa bise presidente nga giakusahan nagwaldas sa pondo sa DepEd ug mismo niyang opisina.
Apan kining tanan gitan-aw usab sa ubang sector nga pagpamulitika sa administrasyon.
