CAGAYAN DE ORO CITY -Gipasidan-an sa Bureau of Fire Protection ang publiko nga mag-alerto batok sa mga pag-ulbo sa sunog sa ilabina sa kasaulugan sa kapaskuhan sa nasud.
Gihimo ni BFP – Cagayan de Oro District Fire Marshall Supt Rexcliburn Salvaña nunot sa dako nga pagsaka sa ihap sa mga sunog nga miigo sa dakbayan ning tuiga.
Miingon si Salvaña nga wala pa gani matapos ang tuig apan anaa sa 375 ang ihap sa mga sunog nga miigo sa syudad.
Siya miingon nga dili lalim ang masunugan hinungdan angay magmaampingon ang katawhan.
Hisayrang anaa sa halos 45-milyones pesos ang structural damage sa mga sunog nga natigayon ning tuig.
