Gipahimangnoan sa Philippine Travel Agencies Association (PTAA) ang publiko batok sa kanunay nga mga “fake bookings” karong summer season, samtang mipahimangno usab ang Philippine National Police Anti-Cybercrime Group (PNP-ACG) nga daghan na ang nabiktima pinaagi sa social media.
Gipasabot ni PTAA Inbound Committee Member Fe Abling Yu nga kinahanglan nga siguruhon nga lehitimo ang mga contact ug address sa mga travel agencies ug dili basta-basta magpadala sa bayad pinaagi sa e-wallets sama sa Gcash.
Sa laing bahin, ang PNP-ACG naka-rekord sa 29 ka kaso sa una pa lang nga duha ka bulan sa tuig nga naglakip sa peke nga hotel ug resort deals nga gi-post sa social media.
Gipahimangnoan usab sa kapulisan nga likayan ang “too good to be true” nga mga tanyag ug kanunay nga maghimo sa legit check aron malikayan ang pagkabiktima sa mga scammers. (phillip ariata)
