CAGAYAN DE ORO CITY-Gi-alerto batok mga pagbaha ug dahili sa yuta ang katawhan sa lima ka lalawigan sa Northern Mindanao ning semanaha.
Kini tungod sa presensiya sa bagyong Doming nga anaa sa kadagatan sa Visayas-Mindanao area sugod pa kagahapong adlawa.
Miingon si PAG-ASA weather forecaster Daizy Baran nga gawas niini,naporma na usab ang laing low pressure area o LPA nga mopasamot sa pag-ulan sa dakong bahin sa Mindanao.
Kini ang hinungdan nga gialerto ang katawhan nga nagpuyo sa flood prone ug landslide prone areas nga magbantay batok sa epekto sa mga pag-ulan ning adlawa.
