CAGAYAN DE ORO CITY, Philippines – Napakyas ang pambato sa Pilipinas nga mahuptan ang trono isip 2024 Mr World.
Kagahapon, si Daniel Mejia sa Puerto Rico, ang giila nga pinaka-ambungan sa tanan kandidata nga milangkob sa tinuig nga kompetisyon, nga gipahigayon didto sa Vietnam.
Mitigbabaw ang maayong barug ug brusko nga panglawas sa Mister Puerto Rico gikan sa 59 ka mga nasud nga naglumba aron mahuptan ang maong titulo.
Kini na ang ikatolong higayon nga nasakmit sa Puerto Rico ang trono, kundiin ang una, nahitabo sa tuig 1998, ug nasundan sa pag-abot sa tuig 2016.
Gawas sa pagka Mr World, iya usab nasakmit ang Best in Talent, ug Best in Sports Challenge gikan sa ilang pre-pageant activities.
Ang Host Country – Vietnam maoy misakmit sa 1st Runner Up, Second Runner Up ang Spain, ug 3rd Runner up ang representante sa Angola.
Hisayran nga taman ra top 20 ang pambato sa Pilipinas nga si Kirk Bondad ug wala na maka-abante sa sunod nga mga elimination rounds.
