Hinimo himo lang ug walay basihanan ang gipanghambog sa gobyerno nga 10 bilyon hangtod 70 bilyon dolyar nga puhunan gikan sa Pax Silica tungod kay walay klarong framework agreement nga gipresentar.
Gibulgar ni IBON Foundation Executive Director Sonny Africa nga walay langyawng negosyante ang mosugal sa pagbubo og kapital kon walay tin aw nga sumbanan sa buhis, insentibo, ug pamaagi sa pagnegosyo.
Si Africa miingon nga gipakita sa kasaysayan sukad pa niadtong 1974 nga bisan sa bilyon bilyon dolyar nga operasyon sa mga langyawng kompanya sa semiconductor sa nasud, nagpabiling walay kaugalingong industriya sa semiconductor ang Pilipinas.
Pinaagi sa paghatag og 1,600 ka ektarya nga yuta nga libre sa abang sulod sa 2 ka tuig, gisilaw lang sa administrasyon ang publiko sa mga bakak nga numero aron itugyan ang kaugalingong yuta ug soberanya ngadto sa interes sa Estados Unidos.










