CAGAYAN DE ORO CITY – Gikasuhan na sa kapolisan sa frustrated homicice ug ilegal nga paghupot sa droga ang jeepney dispatsir nga naila nga si alyas Kabayo kinsa gitudlo nga suspek pagdunggab sa gikalalis niini nga PUJ conductor diha sa Capt Vicente Roa Street ning syudad.
Kini human kompirmaha ni Cogon Police Station commander Police Maj. Julius Saluta nga nadakpan na nila ang suspek gikan sa pagtagu-tago niini sa pila ka adlaw.
Miingon sa Saluta nga daghan ang makatudlo nga ang suspek pagdunggab sa biktima nga si Kirby Gomez nga taga-Brgy Cugman dihang sila nagkalalis tungod lang sa pasahero.
Nasuta nga sulod-gawas na ang suspek sa mini-cell sa Cogon PNP tungod sa giingong mga atraso niini kaniadto nga menor de edad pa kini.
Hisayrang naigo sa li-og nag biktima sa pagpanunggab hinungdang nadala sa ospital sugod Mayo 24 ning tuiga.
