CAGAYAN DE ORO CITY – Nakasuhan na ang jeepney driver nga unang nakuhaan sa kapin uno milyon pesos nga gitoohang shabu sa gilusad nga anti-drug buy bust operation sa Pinikitan,Brgy Camaman-an ning syudad.
Kini human dungan gi-operate sa Drug Enforcement Group o DEG ug Cogon Police Station ang suspek nga si Emmanuel Diaz nga taga-Calaana,Brgy Canitoan ning syudad.
Miingon si Cogon Police Station commander Capt Ernesto Sanchez nga mismo ang DEG ang mikaso bato Diaz sa pagsupak sa Dangerous Drugs Act of 2002 sa piskalya ning syudad.
Una nang gibutyag sa DEG nga subay sa pagpatug-an nila sa suspek,gikan sa piniriso sulod sa city jail ang 155 ka gramos nga shabu nga nakompiskar sa maong operasyon.
Samtang gigamit lamang sa mga sindikato sa ilegal nga droga ang city jail nga konohay tinubdan aron dili masapon ang tinud-anay nila nga operasyon dinhi sa syudad.
Kini ang katin-awan ni BJMP 10 spokesperson Jail Sr Insp Glen Madarieta batok sa pasangil sa nga nadakpan sa pagbaton sa milyong balor sa shabu.
Gibutyag sa ni Madarieta nga pagtabon lamang kini sa mga sindikato aron mogawas nga dunay kalihukang illegal sulod sa city jail sa syudad.
Si Diaz ang makaupat nang nadakpan tungod sa susamang pagsupak sa balaod.
