(Update 1) CAGAYAN DE ORO CITY – Nakurat ang kapolisan nga giingong kauban nila nga pulis ang mihimo sa pagpusil-patay sa ilang asset sa Tangkongan,Pinikitan,Brgy Camaman-an sulod ning adlawa.
Matud ni Cogon Police Station commander Major Sabino Labitad,hepe sa Cogon Police Station nga wala una nila nganli ang maong dinakpang pulis kay nag-agad sila sa ilugwa nga mando sa ilang kadagkuan.
Siya miingon nga ang maong pulis ang aktibong nadestino sa Police Station 1 sa Divisoria ning dakbayan.
Daan nang namahayag si Labitad nga wala nila isalikway ang anggulo may kalabutan sa ilegal nga droga.
Wala pa’y komento ang liderato ni Divisoria Police Station commander Major Peter Tajor kabahin sa impormasyon nga iyang sakop ang mipatay sa biktima nga si Henry Pimentel nga taga-Brgy Macasadig ning syudad kaganihang kadlawon.
