CAGAYAN DE ORO CITY – Detinado sa Cogon Police Station ang usa ka aktibong pulis nga naka-destino sa Divisoria Police Station ning syudad.
Kini human pasiunang gitudlo sa pipila ka testigo nga giingong maoy mipusil-patay sa ilang asset sa Tangkungan,Sitio Pinikitan,Brgy Camaman-an.
Miingon si Cogon Police Station commander Major Sabido Labitad nga human milugwa ang testimonya sa pipila ka testigo,gilayong gikkuha usab nila ang maong pulis nagbaton sa ranggo nga police master staff sgt aron pangayuan sa iyang panig.
Una ang gikompirmar ni Divisoria Police Station commander Major Peter Tajor nga gihulman sa tropa ni Labitad ang iyang sakop tungod sa pagka-implikar niini sa kamatayon sa biktima nga si Henry Mendoza Pimentel,43 anyos nga taga-Brgy Macasandig sa dakbayan.
Gikompirmar sa pipila ka station commanders nga nagsilbi nila nga police asset si Pimentel kinsa nagbaton sa upat ka pinusilan hinungdan sa kamatayon niini kagahapon sa kadlawon.
