CAGAYAN DE ORO CITY – Pagdumot ang gilantaw nga motibo sa kapolisan sa pagluthang patay sa usa ka pulis diha sa Purok 6, Upper Rancho Bangahan, Pangantucan, Bukidnon.
Nabulit sa pinusilan sa mga bala ang lawas sa biktima nga si Police Staff Sgt Rio Tibang, 39-anyos ug residente sa maong lugar human gipusil sa suspect nga si Jovie Maulas Somotil taga- Manubiray,Lampanusan,Kalilangan,Bukidnon.
Sumala ni Pangantucan Police Station commander Police Maj Jerry Paronia nga nasuko ang suspect sa mga pulis human kasuhi niadtong bulan sa Pebrero tungod sa kasong pagpatay.
Si Tibang ang nakaangkon sa samad pinusilan sa iyang ulo, liog, dughan ug tiyan nga maoy hinungdan sa iyang kamatayon.
Nagpadayon ang manhunt operation sa kapolisan batok sa suspek.
Samtang dako ang pagtoo sa mga pulis nga gun for hire si Maulas kinsa suspek sa pagpusil-patay kang Tibang, 39-anyos sa Purok 6, Upper Rancho Bangahan, Pangantucan, Bukidnon.
Gibutyag ni Bukidnon Provincial Police Office spokesperson Police Capt. Jiselle Longgakit daghan sila’g gitan-aw nga aggulo sa maong hitabo apan pinakaduol nga gun for hire ang suspect.
Miingon si Longgakit nga mitabang na usab ang ubang police station nga motabang pagdakop sa suspek nga misibat human sa kremin.
Dugtong niini,gimano ni PNP regional director Police Brig Gen Timoteo Pacleb ang paspas nga pagsulbad sa kaso aron mataral sa hukmanan ang suspek nga mipatay kang Tibang.
