CAGAYAN DE ORO CITY-Gipusil-patay ang police officer samtang nag-jogging sa Brgy Del Carmen, Iligan City kaganihang buntag.
Giila ni Iligan City Police Office Director Sr/Supt Leony Roy Ga ang biktima nga si SPO4 Jonas Balbutin, 56 anyos, minyo ug nagpuyo sa maong lugar.
Nag-jogging ang biktima dihang kalit giabayan sa suspek nga naka-motorsiklo ug gipusil hinungdan sa kamatayon niini.
Nagsilbi na kining anaa sa non duty status tungod kay tulo na lamang unta ka bulan aron si Balbutin mo-retiro na sa serbisyo.
Gisuta pa sa mga otoridad ilabina sa Iligan City Police Station 1 diin na-destino ang biktima kon nganong gipusil kini ug kon kinsa ang mga suspek nga mihimo niini.
