CAGAYAN DE ORO CITY – Talandugon ang kahimtang sa police officer samtang samaron usab ang laing sibilyan sa giingong engkuwentro sa highway sa Libertad,Misamis Oriental karong gabii.
Gibutyag ni Misamis Oriental Gov Bambi Emano nga gawas sa kritikal nga pulis,may laing usa nga naigo usab ang sampot tungod sa pagsinukliay sa mga bala.
Siya miingon nga wala pa usab maila ang sibilyan nga samaron kinsa naigo ang kamot.
Dugang sa gobernador nga kamulo nga gigukod sa mga otoridad ang mga wala pa mailang mga suspek.
Una niini,mikatag na ang mga report nga may namatay sa maong hitabo apan sa mga pulis nga natawagan sa Bombo Radyo nagdumili pa sila pagkompirmar sa impormasyon.
