CAGAYAN DE ORO CITY – Gisalikway na sa kapolisan nga anggulo nga dunay foul play sa kamatayon sa aktibong pulis nga unang nakit-ang patay sa Barangay Cabantian,Magsaysay,Misamis Oriental.
Kini human unang mibangga sa poste sa koryente ang biktima nga si Patrolman Sammy Boy Eblacas,32 anyos nga na destino sa Regional Mobile Force Batallion 13 apan residente sa Pampang Lapuyan,Zamboanga del Sur.
Gibutyag ni Misamis Oriental Police Provincial Office spokesperson Lt Pia Theafratus nga padulong sa direksyon sa Butuan City ang biktima sakay sa iyang gimanehong motorsiklo sa dihang kalit kining mibangga sa poste.
Nasayran nga nawad-an sa kontrol ang biktima hinungdan nga dead on arrival na kining naatiman sa Misamis Oriental Provincial Hospital sa miaging adlaw.
