CAGAYAN DE ORO CITY – Nasubo ang Police Regional Office 10 sa kamatayon sa ilang usa ka pulis nga nahiagom sa grabeng kahimtang nunot sa pagka-disgrasya sa utlanan sa lungsod sa Clarin ug Gango,Ozamiz City,Misamis Occidental.
Giila sa Kampo Alagar ang biktima nga s Police Master Sgt Dexter Jay Ayam nga na-destino sa Provincial Mobile Force Company sa PNP-Misamis Occidental nga nahiagom sa grabeng bun-og sa ulo epekto sa gilambigitan nga self-accident sa maong lugar.
Subay sa taho gikan sa PNP-MisOcc nga nakaabot sa PRO 10,nagmaneho sa motorsiklo ang biktima dihang nabangga kini sa ‘road island’ hinungdan sa pagka-disgrasya niini.
Nunot niini,nagpaabot sa pasubo ang PNP ngadto sa pamilya sa biktima.
Gilauman nga dalikyatan sa pipila ka senior officers sa PRO 10 ang haya sa biktima aron makapaabot sa personal nga pasubo sa hitabo.
