CAGAYAN DE ORO CITY – Pahamtanga’g kasong kreminal ug administratibong atraso ang aktibong pulis nga ubos sa Misamis Oriental Police Provincial Office o MOPPO nga nakabase sa Villanueva,Misamis Oriental.
Kini human nagpabuto’g armas ang maong wala panganli nga pulis kay gikalalis ang uyab-babaye niini sa wala matug-an nga rason.
Miingon si Police Regional Office 10 spokesperson Major Joann Navarro nga tungod sa maong hitabo,gipaubos sa preventive costudy ang pulis samtang sulbaron ang iyang kasapukan sa balaod.
Siya miingon nga hinoon,wala giti-on sa maong pulis sa iyang uyab ang armas apan gipabuto punting sa yuta.
Hisayrang nahitabo kini petsa 27 pa sa Disyembre ning tuiga.
