CAGAYAN DE ORO CITY-Gihimakak ni City Drugs Enforcement Unit o CDEU head Sr/Insp Maricris Mulat nga giubsan nila ang atraso nga atubangon ni PO2 Buenaventura Reyes III sa balaod.
Kini human nasikop si Reyes kauban sila si Julius Narvasa ug Ian Torres nga nagbaligya ingon nanggamit sa suspected shabu sulod sa drug den sa syudad sa miaging semana.
Miingon si Mulat nga dili nila mansahan ang ilang pagka-pulis masalbar lamang si Reyes.
Nakasuhan na si Reyes,Narvasa ug Torres sa kasupakan sa Dangerous Drugs Act of 2002 sa piskalya kagahapong adlawa.
Samtang naghulat na kang Reyes sa Mobile Police Unit o MPU ang posibleng pagkataktak sa serbisyo sa PNP.
Kini kon makit-ang dunay basehan ang kasong administratibo nga ipasaka batok Reyes nga akto nasapon naggamit sa suspected shabu sulod sa drug den sa Brgy Carmen sa syudad.
Miingon si PNP regional spokesperson Supt Lemuel Gonda nga pagmatood kini nga seryoso sila pagsumpo sa ilang mga kauban nga nalambigit sa paggamit sa gidiling droga.
Si Reyes ang kuyog nasikop sa City Drugs Enforcement Unit nila ni Torres apan lakip ilang nadakpan si Julius Narvasa nga pulos taga-Quezon, Bukidnon sa miaging Sabado Santo.
