CAGAYAN DE ORO CITY-Nakumbinsir ni Regional Peace and Order Council o RPOC chairman City Mayor Oscar Moreno ang panig sa militar,kapolisan ug CPP-NPA-NDF nga buhian na si PO2 Anthony Natividad sa Brgy Dominorog,Talakag,Bukidnon kagahapong adlawa.
Kini human gipadayag ni Moreno pinaagi sa gitawag nga expression of aspiration ang tinguha sa local crisis committe ug 3rd party facilitator nga mabuhian si Natividad nga walay ipatuman nga pagpahunong sa operasyon batok sa mga rebelde.
Una niini,limitado lamang ang pahayag ni Natividad ug bugtong pagpasalamat lamang sa mga tawo nga nakabatang kaniya ang iyang nasulti kagahapong adlawa.
Hisayrang si Natividad ang nasignit sa NPA samtang padulong unta sa Camp Alagar sa PNP-10 gikan sa lungsod sa Kalilangan ug pag-abot sa Talakag,Bukidnon niadtong Pebrero 9 ning tuiga.
