CAGAYAN DE ORO CITY – Pag-atubang sa patung-patong nga kasong kriminal ug admininistratibo ang gidangatan sa 27 anyos nga pulis nga nasuko kay giingong wala maka-iskor sa 30 anyos nga gikaila niini nga dalaga sa Brgy Cogon,Balingasag,Misamis Oriental.
Kini human nagpabuto sa iyang 9mm pistol ang suspek nga si Cpl Xerxis Espadilla nga-taga Brgy Lumbia ning syudad kay kalit nawala ang babaye nga kadungan niya pagsulod sa Madonna’s Inn sa miaging gabii.
Gibutyag ni Balingasag Police Station commander Maj Teodoro ‘Teody’ De Oro,dili dautan ang tuyo sa babaye kay gusto lamang niya makatulog ang suspek kay lango sa ilimnon.
Apan napugos pagsibat ang babaye hinungdan nga naglasong si Espadilla sa sobrang kasuko.
Kasong illegal discharge of fiream,gun ban violation,damage to property ang gipasaka sa piskalya samtang administrative case usab ang gihampak sa PNP batok sa suspek.
