Gikompirma ni Cagayan de Oro City Police Office (COCPO) spokesperson Police Captain Emilita Simon, nga ang lalaki nga gipusil sa Villamar Subdivision, Barangay Iponan, Cagayan de Oro, dili usa ka retiradong pulis apan usa ka dismissed nga personnel nga may atubang nga kasong murder.
Gibutyag ni Simon nga buhi ang biktima apan gitago sa pamilya ang lokasyon niini tungod sa kabalaka sa ilang seguridad.
Sa pagkakaron, padayon ang hot pursuit operation sa kapulisan aron madakpan ang mga suspetsado sa maong krimen.
