CAGAYAN DE ORO CITY – Giila nga ‘bayani’ sa kapolisan ug sa daghang katawhan sa Northern Mindanao ang pulis nga namatay sa paghatag proteksyon sa daghang mga tinun-an ug magtutudlo sa Initao Campus sa Brgy Jampason,Initao,Misamis Oriental.
Kini human gihimo ni Police Master Sgt Jason Magno sa Initao Police Station nga proteksyon ang iyang lawas batok sa mibusikad nga granada dili lamang mo-diritso sa kabataan nga anaa sa covered court kagahapong adlawa.
Miingon si Misamis Oriental Provincial Office Director Col Robert Roy Bahian nga gikasubo nila pag-ayo nga nakutluan sa kinabuhi si Magno samtang tuyo unta mapakalma ang suspek nga si Ibrahim Basher nga naglasong batok sa mga empleyado sa DENR-Initao.
Gisayangan sila sa kinabuhi ni Magno apan nakadayeg usab sa pagbuhis kinabuhi maluwas lamang ang daghang kinabuhi sa maong tunghaan kagahapon sa buntag.
Una niini,nasuko si Basher nga taga-Lanao del Sur sa mga empleyado sa DENR hinungdan nagginukdanay ug nakaabot sa Initao College nga bitbit ang granada nga wala na’y ‘pin’ hinungdan sa hitabo.
