CAGAYAN DE ORO CITY – Gihulipan na sa katungdanan ang kontrobersyal nga si Lt Col Lemuel Gonda isip deputy director for administration sa Cagayan de Oro City Police Office ug nagsilbi nang asst chief sa Regional Operations Division sa Police Regional Office 10 ning syudad.
Miingon si PRO 10 spokesperson Lt Col Michelle Olaivar nga mohulip kaniya si Lt Col Joram Jumalon nga gikan usab sa Camp Alagar.
Gibutyag ni Olaivar gawas kang Jumalon,ikanaug usab sa PRO-10 si Lt Col Surki Serenias aron dugang puwersa sa COCPO headquarters.
Gawas usab niini,gimanduan si Lt Col Mardi Hortillosa nga mabalik isip tigpamaba sa regional police headquarters.
Samtang madestino na usab sa Bukidnon Provincial Police Office si Lt Col Dante Incason nga gikan sa COCPO headquarters.
Dumduman nga nabutang sa kontrobersya ang COCPO tungod sa pagtawag ni Gonda kang City Mayor Oscar Moreno nga ‘uncooperative’ sa anti-COVID recommendations,rason nga nasaka ang maong isyu sa Kampo Krame sa kauluhan sa miaging semana.
Gani,giapilan pa’g padala sa sulat ni Moreno si DILG Secretary Eduardo Ano,Philippine Vaccine Czar Secretary Carlito Galvez Jr gawas kang PNP chief General Guillermo Eleazar.
